Казанда “Белем” дип аталган яңа музей ачылды

Кичә Казанда “Белем” дип аталган яңа музей ачылды. Ул КФУның филология һәм мәдәниятара багланышлар институтында урнашкан һәм Республиканың мәгариф тармагындагы үсеш чорларын чагылдыра. Бездә мондый музей юк иде әле.

Ачылыш тантанасына Татарстан Рәисе Рөстәм Миңнеханов килде. Ул яшь укытучылар һәм галимнәр белән аралашты. Мөгаллим һөнәренең абруен арттыру һәм тармактагы башка мәсьәләләр хакында фикер алыштылар. Кайбер тәкъдимнәр турында Рүзәл Шәрипов сөйләр.