Укытучыларга - миллион, ике имтихан, кадрлар мәсьәләсе: Татарстанда мәгариф өлкәсендәге яңалыклар

Республиканың 300 укытучысы торак өчен бер миллион сумлык сертификат алачак. 9нчы сыйныф укучылары киләчәктә эшче һөнәр сайлау өчен ОГЭдан ике генә имтихан бирә ала. Ә сыйныф җитәкчеләре өчен аерым ставка булырмы?

Татарстанда мәгариф өлкәсендәге яңалыклар турында бүген тармак министры журналистларга сөйләде. Ул КФУның "Белем" музеенда очрашу уздыра. Министр хәбәр иткәнчә, республикада мәктәпләр төзелеше дәвам итәчәк. Иң мөһиме - кадрлар мәсьәләсен чишәргә кирәк.