Казанда драматург Фатих Әмирханның алты томлыгын җәмәгатьчелеккә тәкъдим иттеләр

Быел танылган язучы, публицист, драматург Фатих Әмирханның тууына 140 ел булды. Шул уңайдан Казанда аның алты томлыгын җәмәгатьчелеккә тәкъдим иттеләр.

Аларга - популяр әсәрләре, 300ләп мәкаләсе һәм аңа язылган хатлар тупланган. Татарстанның Фәннәр академиясендә әдипкә багышланган халыкара конференция узды. Фатих Әмирхан - катлаулы язмышлы шәхес. 1907нче елда паралич сукканнан соң, гомерен коляскада үткәрергә мәҗбүр була.

Ул - татар әдәбиятында тәнкыйди реализмга нигез салучыларның берсе булып санал һәм аның хакында киләчәкне күрә белгән автор, диләр. Динә Нәҗметдинова репортажы.