Татар телен су кебек эчкән балаларны кайда тәрбиялиләр? | Адымнар

Бу атнада балалар бакчалары үзенең Тукай премиясен алды. Татарстанның ике дәүләт телендә тәрбия бирүче иң яхшы учреждениеләрне бүләкләп, Республика конкурсына йомгак ясадылар. 500әр мең сум грантны 20 бакча отты. Педагогик коллективларның рус һәм татар теленә өйрәтүдәге заманча һәм кызыклы алымнарын бәялиләр.

Аларның методикасы белән танышкач шундый фикер калды. Һәр бакчада балаларны татар теленә менә шушылар дәрәҗәсендә өйрәтә башласалар, мәктәптән телен онытып чыгучы буын булмас иде. Чөнки 7 яшькә кадәр сеңгән гыйлем, тел, сүз байлыгын - атнасына 2 сәгатькә калдырылган кысыр программа гына жуя алмас кебек.

Хәбәрчебез Люция Нотфуллина быел җиңүчеләр исемлегендә булган - "Гөлчәчәк" бакчасына Биектау районының Дөбьяз авылында юл алды.