Бөек шагыйрь рухы музейда: Казанда Тукайны искә алу чарасы узды

Габдулла Тукайны искә алу чаралары Казанда - аның әдәби музеенда да үтте. Биредә "Татар шигърияте антологиясе"нең беренче томын тәкъдим иттеләр.

Җыентыкта 20нче гасыр башына кадәр иҗат иткән әдипләрнең, шул исәптән Тукайның бай мирасы тупланган. Бүген тамашачы бөек шагыйрь исән чагында яздырылган язмаларны ишетте, яңа ачылган күргәзмәдә үзенә якын Тукай образын таба алды. Тулырак Алия Сабирова.