Татар теле һәм әдәбиятыннан имтихан тапшыручылар саны арткан, ләкин...

Туган тел өчен көрәшергә түгел, туган телдә сөйләшергә кирәк. Бу фикерне бүген - татар теле һәм әдәбиятыннан Бердәм республика имтиханын тапшыручылар һәм аларның укытучылары белән узган очрашуда җиткерделәр.

Ул КФУның филология институтында узды. Тел сагында торучылар белән мәгариф һәм фән министры Илсур Һадиуллин, Дәүләт Советының мәгариф, мәдәният, фән һәм милли мәсьәләләр комитеты рәисе Айрат Зарипов очрашты. Туган телдән имтихан тапшыручылар арта. 2024 нче елда - 7, узган ел - 32 бала булса, быел 79га җиттеләр. Алар зур шәһәрләрдән һәм 15 районнан. Ә менә 30 районда туган телне сайлаучы гомумән булмаган.