Азнакайда капиталь төзекләндерүдән соң «Елмаю» балалар бакчасы ишекләрен ачты

Азнакайда «Бердәм Россия» партиясенең халык программасы һәм «Яшьләр һәм балалар» илкүләм проекты кысаларында 18нче «Елмаю» балалар бакчасын капиталь төзекләндерү эшләре тәмамланган.

Мәйданы 2700 квадрат метр булган ике катлы бинада азык-төлек блогы, кер юу бүлмәсе, спорт залы һәм төркем бүлмәләре тулысынча яңартылган. Шулай ук яңа җиһазлар һәм кирәк-яраклар урнаштырылган.

Балалар бакчасындагы үзгәрешләр белән тәрбиячеләрне һәм мәктәпкәчә яшьтәге балаларны ТР Дәүләт Советы депутаты Назыйп Хаҗипов котлаган.

«Бу уку елы мәктәпкәчә яшьтәге балаларга яңа ачышлар, ә тәрбиячеләргә иҗат җимеше һәм илһам китерсен!» — дигән ул.

Фото: tatarstan.er.ru