Татарстанда эрзя телен үзлектән өйрәнү өчен яңа китап бастырдылар

Татарстанда Эрзя телен үзлегеңнән өйрәнү өчен яңа китап бастырдылар һәм бүген укучыларга тәкъдим иттеләр. Ул - Татарстан Рәисе каршындагы туган телләрне саклау комиссиясе ярдәме белән әзерләнгән.

Безнең Республикада берничә ел буе - "Татарстан халыклары телләре һәм мәдәнияты" дигән китаплар циклы чыгып китә. Эрзя телендә бастырылганы - алтынчысы. Анда - телнең фонетик үзенчәлекләре күрсәтелә, шулай ук грамматик биремнәр, кирәкле сүзтезмәләр тупланган. Китапны кулына алгач, Алия Хәйретдинова эрзя телендә исәнләшергә өйрәнде.