Иннополиста Җиңүнең 80 еллык юбилеена һәйкәл куелачак

Иннополиста Җиңүнең 80 еллыгына Ватанны саклаучыларга багышланган стела рәвешендәге һәйкәл пәйда булачак. Монумент проекты шәһәр администрациясе белән берлектә җирле архитекторлар тарафыннан эшләнгән.

Стела Россия гражданнарының батырлыгын чагылдырырга, шулай ук барлык буын Ватанны саклаучыларга рәхмәт белдерергә тиеш.

Исегезгә төшерәбез, быел Россиядә Бөек Ватан сугышында Җиңүнең 80 еллыгы билгеләп үтелә. Шулай ук РФ Президенты Владимир Путин карары буенча 2025 ел Ватанны саклаучылар елы дип игълан ителде.

Фото: t.me/innopolisnews_rus