Бөек Ватан сугышы ветераны Александр Шахназаровны соңгы юлга озаттылар

Җиңү көненә нәкъ бер ай кала арабыздан - Бөек Ватан сугышы ветераны Александр Шахназаров китеп барды. Кичә аны Казанның Суворов хәрби училищесыннан соңгы юлга озаттылар.

Ул - Республикада Сталинградны азат итүдә катнашкан соңгы каһарман иде. 25 ел гомерен Суворов училищесында хәрбиләр тәрбияләүгә багышлаган шәхес. Аны уку йортында нык рухлы, гаҗәеп зиһенле һәм зирәк карашлы остаз буларак искә алалар. Хушлашырга хезмәттәшләре, укучылары һәм якыннары җыелды. Легендар шәхес турында Гөлназ Гыйниятова.