Казанда Җиңү парады башланды

Казанда Меңьеллык мәйданында Җиңү көне уңаеннан тантаналы парад башланып китте. Бөек Ватан сугышы ветераннары төп трибунада хөрмәтле кунаклар арасында үз урыннарын алды.

Мәйдан буйлап стройлап Казан гарнизоны хәрбиләре, кадетлар, курсантлар, хәрби хәрәкәтләр ветераннары, «Юнармия» әгъзалары, суворовчылар, хәрби кафедра студентлары һәм «Беренчеләр хәрәкәте» активистлары узачак.