14 октябрьдә Казанның Осиново урамында автомобиль хәрәкәте торгызылачак

14 октябрьдә Казанда Осиново урамында автомобиль хәрәкәтен ачарга планлаштыралар. Реконструкция барышында 1,4 км озынлыктагы участок 4 полосага кадәр киңәйтелде, шуның аркасында автомобильләрнең уртача хәрәкәт тизлеге 28% ка артачак, дип яза Казан мэриясе матбугат хезмәте.

Быел Казан юлларын төзү һәм реконструкцияләүгә 16,7 млрд сум бүлеп бирелгән.

Вознесение тракты төзелеше һәм Горький шоссесын реконструкцияләү график буенча бара.

Фото: ТНВ