Онлайн трансляция

Свернуть

Рөстәм Миңнеханов «Салават Күпере» микрорайонындагы яңа паркны караган

Рөстәм Миңнеханов «Салават Күпере» микрорайонындагы яңа паркны караган

https://tnv.ru

21 Октябрь 2022, 16:16

97

0

Рөстәм Миңнеханов «Салават Күпере» микрорайонындагы яңа паркны караган
Бүген Рөстәм Миңнеханов Казанның «Салават Күпере» микрорайонындагы яңа паркта булды, дип хәбәр итә ТР Президенты Матбугат хезмәте.

Яңа шәһәр киңлеге 6 гектардан артык мәйданда урнашкан. Проектның беренче чиратында «Уен һәм спорт» зонасы – уникаль су спрей-лабиринты булган балалар активлыгы, киртәләр полосасы булган спорт мәйданчыгы, тренажерлар, стритбол уены өчен мәйданчык, памп-трек һәм скейт-мәйданчык составындагы экстрим-зона гамәлгә керде. Икенче чират кысаларында паркта фонтан, җәяү йөрү яр буе, пандуслы амфитеатр, төрле дәрәҗәдәге күзәтү мәйданчыклары, таганлы күпер, уеннар һәм ял өчен газоннар җиһазландырылган. Моннан тыш, түбәләрне карау мәйданы буларак файдаланыла торган мәдәни үзәк, күп функцияле мәйдан, вакыйгаларны активлаштыру өчен амфитеатр оештырылган.

Рөстәм Миңнеханов парк территориясен карады, гамәлгә ашырыла торган проектлар белән танышты һәм «Салават Күпере» микрорайонында яшәүчеләр белән аралашты. ТР Президентына теплицалар эше турында сөйләделәр, анда кунакларга үсемлекләр үстерү буенча мастер-класслар оештырылачак. Хезмәттәшлек зонасында шулай ук төрле актив гамәлләр узачак, мәсәлән, күн мозаикасы һәм туку күнегүләре.

Бүгенгә «Салават Күпере» торак комплексында 30 меңгә якын кеше яши. Биредә балалар бакчалары, мәктәпләр һәм башка инфраструктура бар.

Фото: ТР Президенты Матбугат хезмәте

Читайте новости в нашем Telegram и Дзен.



Комментарии 0

Аватар

Новости партнёров