Узган ел гимназиядә атыш оештырган Илназ Галәвиев суд каршына басты

Бүген Татарстан Югары суды Казанның 175нче гимназиясенә кораллы һөҗүм ясаган Илназ Гәләвиев эшен карый. Коточкыч фаҗига узган елның 11 маенда булган иде.

Илназ Галәвиев берьюлы дүрт маддә («Ике һәм аннан күбрәк кешене үтерү», «Ике һәм аннан күбрәк кеше, шул исәптән кече яшьтәгеләрне үтерергә омтылу», «Шартлаткыч матдәләр һәм шартлаткыч җайланма әзерләү һәм саклау», «Чит милекне явыз ният белән юк итү һәм зыян китерү») буенча гаепләнә. Элегрәк ул үз гаебен таныган иде.