Төнлә Казан урамнарыннан 15 мең тоннага якын кар чыгарылган

Узган төндә Казан урамнарыннан 14 мең 380 тонна кар чыгарылган. Бу хакта Казан мэриясе матбугат хезмәте хәбәр итә.

Юлларны бозлавыкка каршы эшкәртү өчен 30 тонна реагент һәм 402 тонна ком-тоз катнашмасы кулланылган. Барлыгы 81 юл эшчесе һәм 410 берәмлек техника җәлеп ителгән.

Исегезгә төшерәбез, Казанда ике көн эчендә явым-төшем айлык норманың өчтән ике өлеше яуган иде.

Фото: kzn.ru