Татарстанда сабыйларга нинди исемнәр кушканнар? Аристарх, Мөслим, Харитон һәм Соня

Узган атнада, 12 декабрьдән 18 декабрьгә кадәр, Гражданлык хәле актларын теркәү идарәсенең Казан бүлекләрендә 374 бала — 209 малай һәм 165 кыз тууы теркәлгән. Шул ук вакыт аралыгында 166 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 720 грамм авырлыкта туган, ә иң зурысы 4810 грамм тәшкил иткән.

Атнаның иң популяр исемнәр арасында Әмир, Марк, Демид, Әмирхан, Алиса, София, Диана һәм Амелия булган, ә иң сирәк исемнәр – Всеволод, Аристарх, Мөслим, Харитон, Степан, Соня, Кирана, Агдалия и Элита.

Фото: pixabay