Татарстанда 55 яшьлек ир-ат мошенниклар корбаны булган

Казанда 55 яшьлек ир-ат мошенниклар корбаны булган. Ир җинаятьчеләргә машина кирәк-яраклары өчен 45 мең сум акча күчергән, дип хәбәр итә Казан мэриясе матбугат хезмәте.

Зыян күрүче сүзләренчә, автозапчастьне сату турындагы белдерүне ул интернетта тапкан. Казанда яшәүче сатучы белән килешү шартлары турында килешкән, шуннан соң аферистларга 45 мең сум акча күчергән.

Алданганын белеп алгач, полициягә мөрәҗәгать итә. Әлеге хәл буенча җинаять эше кузгатылган.

Фото: pixabay