Татарстанда сабыйларга нинди исемнәр кушканнар? Нәзир, Божена, Анита һәм Лерика

Узган атнада, 23 гыйнвардан 29 гыйнварга кадәр, Гражданлык хәле актларын теркәү идарәсенең Казан бүлекләрендә 389 бала — 195 малай һәм 194 кыз тууы теркәлгән. Шул ук вакыт аралыгында 124 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 950 грамм авырлыкта туган, ә иң зурысы 4620 грамм тәшкил иткән.

Атнаның иң популяр исемнәр арасында  Самат, Әмирхан, Тимофей, Әминә, Екатерина һәм Амелия булган, ә иң сирәк исемнәр –  Нәзир, Тихомир, Всеволод, Божена, Анита һәм Лерика.

Фото: соц.сети