Казанның өч районнында су яшел төскә керәчәк

3 мартта Казанның өч районында су "яшел" төскә керәчәк. Эшләр үткәргечнең агып чыгу урыннарын билгеләү буенча башкарылачак. "Азино" котельныйларыннан магистраль җылылык үткәргечләрнең челтәр суына яшел төстәге «Уранин-А» буягычы кертеләчәк.

Шәһәрнең Идел буе, Вахитов, Совет районнарында яшәүчеләр «яшел су» акканын күргән очракта, Казан җылылык челтәрләренең («Татэнерго» АҖ филиалының) диспетчерлык хезмәтенә +7(843)291-87-95 (күп каналлы) телефоны буенча мөрәҗәгать итә алалар, дип хәбәр итә Казан мэриясе матбугат хезмәте.

Уранин-А буягычын җылылык белән тәэмин итү системаларында куллану тыелмаган һәм Россия кулланучылар күзәтчелеге тарафыннан кешеләр сәламәтлеге һәм әйләнә-тирә мохит өчен зыянсыз булган индикатор сыйфатында рөхсәт ителә.

Фото: vkirove.ru