Казанда кешеләргә эт ташлану очраклары арткан - видео

Бу көннәрдә Казанда кешеләргә эт ташлану очраклары арткан. Халык контроленә килгән мөрәҗәгатьләр шуны күрсәтә. Февраль аенда башкалада сукбай этләргә кагылышлы 2 дистәгә якын гариза теркәлгән.

Аларны Казанның төрле районнарында яшәүчеләр юллый. Шунысы игътибарга лаек, урамда йөреп кешеләргә ташланган этләрнең барысы да сукбай булмаска мөмкин. Алар арасында хуҗалылары да шактый, ди белгечләр. Мондый кешеләрне җаваплылыкка тартуда зур кыенлык бар. Этләре теркәлмәгәнлектән, еш кына, хуҗаларын ачыклау мөмкин түгел.