Татарстанда сабыйларга нинди исемнәр кушканнар? Дени, Арелия, Радмила һәм Младислава

Узган атнада, 13 марттан 19 мартка кадәр, Гражданлык хәле актларын теркәү идарәсенең Казан бүлекләрендә 420 бала - 214 малай һәм 206 кыз тууы теркәлгән. Шул ук вакыт аралыгында 123 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 800 грамм авырлыкта туган, ә иң зурысы 5030 грамм тәшкил иткән.

Атнаның иң популяр исемнәр арасында Марк, Кәрим, Морат, Лев, Әминә, Эмиллия, Вера һәм София булган, ә иң сирәк исемнәр – Дамиан, Анатолий, Дени, Арелия, Радмила һәм Младислава.

Фото: pixabay