Татарстанда сабыйларга нинди исемнәр кушканнар? Кәбир, Хәсән һәм Евфимий

Узган атнада, 20 марттан 26 мартка кадәр, Гражданлык хәле актларын теркәү идарәсенең Казан бүлекләрендә 392 бала - 213 малай һәм 179 кыз тууы теркәлгән. Шул ук вакыт аралыгында 184 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 950 грамм авырлыкта туган, ә иң зурысы 5250 грамм тәшкил иткән.

Атнаның иң популяр исемнәр арасында Дмитрий, Радмир, Әмир, Әминә, Эльза һәм Амалия булган, ә иң сирәк исемнәр – Кәбир, Хәсән, Евфимий, Нина, Анора һәм Фатыйма.

Фото: pixabay