Сирәк авырудан интегүче кечкенә Амелиягә ярдәм кирәк

Кызга Д-Бифункциональ аксымнар җитми дигән диагноз куелган. Ул Россиядә мондый авырулы бердәнбер бала. Безнең канал тамашачылары ярдәме белән аңа узган елның июнендә Польшада беренче операция ясалды. Бот сөяген дәвалыйлар.

Без ул чакта 4 миллион ярым сум акча кирәк булуы хакында сөйләгән идек. Шаһиевлар гаиләсенә килгән баләгә ТНВ тамашачысы битараф калмады, тиешле сумманы бергәләп җыйдык. Алар кызларына булышкан һәркемгә чиксез рәхмәтен белдерә.

Хәзер балага тагын бер операция ясарга кирәк. Ул соңгысы диләр. Моның өчен 2 миллион ярым сум акча таләп ителә.

Ярдәм итәргә теләүчеләр өчен: 8 962 563 08 08 (ката номеры беркетелгән) яки 4276 6200 3394 9839 (Шагиева Диана Динар кызы)