Казанда укытучылар һәм тәрбиячеләр өчен "Туган тел" фестивале узды

Татарстанның иң алдынгы туган тел укытучылары һәм тәрбиячеләре белемен арттырырга Казанга җыелды.

"Бала-сити" күп телдә белем бирүче үзәктә алар өчен "Туган тел" фестивале оештырылды. Монда мәктәпкәчә яшьтәге балаларга туган телне өйрәтүнең яңа алымнарын күрсәтәләр. Аларны туган телләрне саклау комиссиясе рәисе Марат Әхмәтовка да тәкъдим иттеләр. Татар телен өйрәнүнең нинди яңа ысуллары бар? Балалар бакчасында аларны файдаланып буламы? Тулырак ТНВ хәбәрчесе материалында.