Яз һәм Хезмәт бәйрәмендә Казан телеманарасы якты төсләргә керәчәк

1 май, Яз һәм Хезмәт бәйрәмендә, Казан телеманарасында утлар бәйрәмчә кабыначак. Моның турыда Казан мэриясенең рәсми сайтында билгеле булды.

Бәйрәм утлары кичке 8дән 11гә кадәр эшләячәк. Мондый утлы бизәлеш Мәскәү, Кострома, Бөек Новгород, Мурманск һәм башка шәһәрләрдә дә кабыначак.

Казанлылар һәм шәһәр кунаклары мондый күренешне Ураза гаете уңыеннан да күзәтә алды.

Күптән түгел татарстанлыларга ике кыска эш атнасы турында искә төшергәннәр иде.

Фото: kzn.ru