Казанның кайбер урамнарында тизлек режимын 80 км/сәг кадәр арттырачаклар

Казанның Залесная урамы һәм Мамадыш трактында иртәгәдән тизлек режимын 80 км/сәг кадәр арттырачаклар. Бу мәгълүматны Казан мэриясенең матбугат үзәгендә расладылар.

Тизлек режимын арттыру җәяүлеләр кичүе булмаган магистральләрнең үткәрүчәнлеген арттырырга мөмкинлек бирәчәк дип көтелә. Иртәгәгә кадәр тиешле юл билгеләре куелып бетәчәк. Яңа режим табигать һәм юл шартлары начарланганчы гамәлдә булачак.

Фото: kzn.ru