Казанда муниципаль парковкалар зәңгәр юл билгесе белән тамгалана башлаган

Казанда урам-юл челтәре буйлап урнашкан муниципаль парковкаларга зәңгәр тамга сала башлаганнар. Зәңгәр тамгалар 149 участокта барлыкка киләчәк, дип хәбәр итә Казан мэриясе матбугат хезмәте.

Әлеге юл билгеләре парковка урыннарының түләүле булуларын аңлата. Инвалидларның транспорт чаралары өчен урыннар ак төс белән тамгаланачак. Әлеге үзгәрешләр 2023 елның 1 нче мартыннан РФ Хөкүмәтенең 2022 елның 6 нчы октябрендәге 1769 нчы номерлы карары нигезендә гамәлдә.

Исегезгә төшерәбез, Казанда 8 һәм 9 май көннәрендә муниципаль парковкалар бушлай булачак.

Фото: Тышкы төзекләндерү комитеты