7 һәм 9 май көннәрендә Казан телеманарасы үзенчәлекле төсләргә керәчәк

7 һәм 9 май, бәйрәм көннәрендә, Казан телеманарасында Радио көне һәм Бөек Ватан сугышында Җиңүнең 78 еллыгы уңаеннан утлар бәйрәмчә кабыначак. Моны Казан мэриясенең матбугат хезмәтендә хәбәр иттеләр.

Татарстан башкаласында яшәүчеләр һәм кунаклар утлы тамашаны кичке 8дән 11гә кадәр күзәтә алачак.

Исегезгә төшерәбез, ТНВ каналы 9 май көнне бәйрәм чараларыннан туры трансляция алып барачак, ә 7 май көнне "Болгар радиосы" тамашачыларына күп кенә бүләкләр әзерләде.

Фото: kzn.ru