Казанда Фучик урамында хәрәкәт 7 айга чикләнәчәк

Казанның Фучик урамында хәрәкәт 7 айга чикләнгән. Анда метрополитенның икенче линиясен төзиләр. Бу хакта Казан мэриясенең матбугат хезмәте кисәтте.

20 декабрьгә кадәр Фучик урамындагы 64 нче йорттан - Завойский урамына кадәр юл өлеше ябык булачак.

Исегезгә төшерәбез, метроның икенче тармагын төзүне 2027 елда тәмамларга планлаштыралар. Дүрт станциядән торган беренче участокның гомуми озынлыгы 5 км 750 метрга җитә.

Фото: kzn.ru