Яңартсалар да ошамый: Ни өчен ремонт эшләре барышында халык фикере исәпкә алынмаган?

Казанның Чыңгыз Айтматов урамында яшәүчеләр шушы май челләсендә үзләрен чүлдә кебек хис итә. Җил чыкса, ком бураны күтәрелә, саф һава суларга чыксаң, эсселек йөзгә "бәрә", диләр.

Эш шунда, Айтматов урамы 5нче һәм 7нче йортларның ишегалларын 2 ай элек ремонтлый башлаганнар. Әмма халык, алдан очрашуларда фикер алышынганча килеп чыкмады, ди. Утырып ял итәргә эскәмияләр юк, яшеллек калмаган, коймалар сүтелгән. Алар район хакимиятенә дә, идарә компаниясенә дә, республика программасының координаторларына да хатлар язган.

Нәтиҗәсе булырмы? Яңартылган, тик халыкка ярамаган ишегалдын Фәйрүзә Мәҗитова күреп кайтты.