Россия көнендә чыгыш ясаячак артистлар исемлеге билгеле: Бәдретдинова, Arslan, Катя Лель, Natan һ.б.

Казанда, ел саен 12 июньдә билгеләп үтелә торган, Россия көне уңаеннан бәйрәм концертында Татарстанның атказанган артисты Илсөя Бәдретдинова, Казаннан җырлары авторы, блогер Arslan, шулай ук популяр җырчы Катя Лель һәм рэпер Natan чыгыш ясаячак.

Бәйрәм концерты "Казан" гаилә үзәге янында 17:00 сәгатьтә башлана. Кичәне 22:00 сәгатьтә салют белән тәмамларга планлаштыралар. Бу хакта «эшлекле дүшәмбе» барышында Казан Башкарма комитетының мәдәният идарәсе башлыгы Азат Абзалов хәбәр итте.



Фото: соц.сети