Сергей Лазарев һәм Элвин Грей Казанда Химиклар көнендә чыгыш ясаячак

2 июньдә Татарстан башкаласында "Казан" гаилә үзәге янындагы мәйданчыкта Химиклар көнен бәйрәм итәчәкләр. Казанда Сергей Лазарев, Элвин Грей, Barbara Band һәм DJ BubbleGum чыгыш ясаячак. Бу хакта шәһәр мэриясенең матбугат хезмәтендә хәбәр иттеләр.

Бәйрәм 18:00 сәгатьтә башлана. Кызыклы программага бай көн салют белән тәмамланачак.

Казан мэры Илсур Метшин «Сибур» компаниясенә республика башкаласында Химиклар көнен бәйрәм итү традициясен алып барган өчен рәхмәт белдерде һәм химия-нефть химиясе предприятиеләренең шәһәр икътисадына зур өлеш кертүен искәртте.

Фото: kazan-kremlin.ru