Казанда машина йөртүче бер хатын-кызны бәрдергән

Кичә Казанның Мәүлетов - Гарифьянов урамнары кисешендә бер машина җәяүлеләр юлыннан үтеп баручы хатын-кызны бәрдергән. Рульдә 43 яшьлек ир-ат булуы ачыклана, ул җәяүлене уздырмаган. Болар турында «Татар-информ» хәбәрчесенә Казан Дәүләт автоинспекциясененең пропаганда бүлегендә әйткәннәр.

Әлеге очрак кичә кичке сәгать 6 тирәсендә килеп чыга. «Kia» машинасы йөртүчесе сулга борылганда, җәяүлеләр кичүеннән чыгып баручы 31 яшьлек хатын-кызны үткәрми. Хатын-кызны хастаханәгә алып китәләр.

Фото: ТНВ