Казанның ике зур урамында хәрәкәт вакытлыча чикләнәчәк

Казанның Фучик һәм Сафиуллин урамнары буенча автомобильләр хәрәкәте вакытлыча чикләнәчәк. Биредә җылылык үткәргеч челтәрләрен төзекләндерәләр. Моның хакта Казанның матбугат хезмәте хәбәр итте.

6-16 июль көннәрендә чикләүләр Юлиус Фучик урамыннан (50 нче йорт янындагы юл участогыннан) һәм Сафиуллин урамыннан Рихард Зорге урамына таба хәрәкәт юнәлешендә гамәлдә булачак.

Төзекләндерү эшләре 17-27 июльдә дә дәвам итәчәк. Алар шул ук участокта алып барылачак.

Фото: ТНВ