Казанда Уң як Болак урамында хәрәкәт көзгә кадәр чикләнәчәк

Казандагы үзәк урамнарның берсендә - Уң як Болакта хәрәкәт 20 сентябрьгә кадәр чикләнәчәк. Анда җылылык бирүче торбалар участогын төзекләндерәләр. Бу хакта Казан мэриясенең матбугат хезмәте кисәтә.

Көзгә кадәр тротуар һәм Кави Нәҗми урамыннан 9 нчы йортка кадәр илтүче юлның бер полосасы ябылачак. Тагын бер полоса иртәнге 10нан көндезге 3кә кадәр һәм кичке 8дән иртәнге 6га кадәр эшләмәячәк.

Әлеге чикләүләр җәмәгать транспортына кагылмаячак.

Фото: ТНВ