Казанның 7нче шәһәр хастаханәсе Марат Садыйков исемен йөртәчәк

Казанның 7нче шәһәр хастаханәсенә Республиканың элекке Сәламәтлек саклау министры Марат Садыйков исемен бирделәр. Указны Татарстанның премьер-министры Алексей Песошин имзалаган.

Марат Садыйков 2008—2018 елларда әлеге хастаханәнең баш врачы булып хезмәт куйды.

Марат Садыйковның исемен бу рәвешле мәңгеләштерүне Республиканың Сәламәтлек саклау минситрлыгында тәкъдим итәләр. Министрлар кабинетында идеяне хуплыйлар.

Исегезгә төшерәбез, Марат Садыйков бу елның гыйнварында 53 яшьтә йөрәк өянәгеннән вафат булды