Казанның Сибгат Хәким урамында хәрәкәт вакытлыча чикләнәчәк

Казанда Сибгат Хәким урамында һәм «Казан» гаилә үзәге янындагы парковкада транспорт хәрәкәте чикләнәчәк. Бу әлеге урыннарда триатлон буенча Россия беренчелеге үткәрелү белән бәйле. Моның турыда Казан мэриясенең матбугат хезмәте искәртә.

7 июль 9:00 сәгатьтән 9 июль 23:00 сәгатька кадәр «Казан» гаилә үзәге янындагы парковка ябык булачак.

9 июль 6:00 сәгатьтән 16:00 сәгатькә кадәр С.Хәким урамы буенча –Декабристлар урамыннан Ф. Әмирхан урамына кадәр – ике юнәлештә дә транспорт хәрәкәте чикләнәчәк.

Триатлон буенча Россия беренчелеге Казанда 9 июльдә узачак.

Фото: ТНВ