Казанның ике үзәк урамында хәрәкәт вакытлыча чикләнәчәк

Казанның Галиәсгар Камал һәм Завод урамнарында машиналар хәрәкәте вакытлыча чикләнәчәк. Әлеге участокта төзелеш эшләре бара. Бу хакта Казан мэриясенең матбугат хезмәте хәбәр итте.

24 - 30 июль көннәрендә Завод урамының Галиәсгар Камал урамы белән кисешкән җире хәрәкәт өчен тулысынча, ә Камал урамында өлешчә ябылып торачак.

30 июль - 12 августта Завод урамы, 41 нче йорт янында машинада хәрәкәт итү тыелачак. Шул ук урамдагы 3 нче йорт янында чикләүләр 13 - 16 август көннәрендә гамәлдә булачак.

Фото: ТНВ