Казанда Бондаренко урамында хәрәкәт вакытлыча чикләнәчәк

Татарстан башкаласында, квартал эчендәге җылылык челтәрләрен реконструкцияләү белән бәйле, Бондаренко урамында транспорт хәрәкәте чикләнәчәк. Әлеге мәгълүматны Казан шәһәренең рәсми порталында белеп була.

22 июльдән 20 августка кадәр 10/8 номерлы йорт янында юл йөрү өлеше тулысынча ябылачак. Татарстан башкаласында яшәүчеләрне һәм кунакларны алдан ук хәрәкәт итү маршрутын сайларга, шулай ук билгеләнгән вакытлы юл билгеләренә иярергә чакыралар.

Фото: ТНВ