Милли киемнең яме: Казанда беренче мәртәбә халык-театр перфомансы узды

Казанда беренче мәртәбә халык-театр перфомансы узды. ТНВ хәбәрчесе Илдар Сафиуллин да бу чараның кунагы булды.

Бу яңа форматтагы мәдәни чара. Теләгән һәр кеше Кремльдә милли кием модасы парадында катнашты. Ул "Яңарыш. Дастаннарның заманча укылышы" дип аталучы фестиваль көннәрендә оештырылды. Тамашачыларга - “Әлдермештән Әлмәндәр”, “Зәңгәр шәл”, “Хуҗа Насретдин” кебек легендар спектакльләрдән өзекләр күрсәттеләр. "Алпар" татар этно-музыкаль төркеме чыгыш ясады. Оештыручылар ни өчен милли киемгә игьтибарны арттыра?