Татарстанда сабыйларга нинди исемнәр кушканнар? Северин, Суфьян, Алеана һәм Йолдыз

Узган атнада, 10 июльдән 16 июльгә кадәр, Гражданлык хәле актларын теркәү идарәсенең Казан бүлекләрендә 406 бала - 199 малай һәм 207 кыз тууы теркәлгән. Шул ук вакыт аралыгында 350 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 990 грамм авырлыкта туган, ә иң зурысы 4910 грамм тәшкил иткән.

Атнаның иң популяр исемнәр арасында Әмир, Кәрим, Ильяс, Аяз, Ясмин, Ева, Камилла һәм Әминә булган, ә иң сирәк исемнәр – Северин, Асман, Суфьян, Алеана, Йолдыз һәм Лола.

Фото: pixabay