Казанда 5 яңа урамга исем бирелде

Казанда Совет һәм Идел буе районнарында яңа төзелгән биш урамга исемнәр бирелде.

Идел буе районындагы урам Совет һәм Россия дәүләт эшлеклесе, эчке хезмәт генерал-лейтенанты Николай Демидов исемен йөртәчәк.

Шулай ук Казанның адреслы планына Совет районының «Семейный» торак массивының яңа урамнары кертеләчәк. Алар арасында «улица Елочная – Елочная урамы», «улица Гаилэ Учагы – Гаилә Учагы урамы», «улица Алтынчэч – Алтынчәч урамы», «улица Яшел Бишек – Яшел Бишек урамы» бар.

Тиешле карарлар муниципаль берәмлекнең Документлар һәм хокукый актлар җыентыгында басылып чыкты, дип хәбәр итә шәһәр мэриясе матбугат хезмәте.