Татарстанда сабыйларга нинди исемнәр кушканнар? Дастан, Теодор, Шакир, Иркә һәм Карелия

Узган атнада, 31 июльдән 6 августка кадәр, Гражданлык хәле актларын теркәү идарәсенең Казан бүлекләрендә 393 бала - 203 малай һәм 190 кыз тууы теркәлгән. Шул ук вакыт аралыгында 304 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Атнаның иң популяр исемнәр арасында Артур, Тимур, Адам, Михаил, Мәрьям, София, Ева, Ясмина һәм Азалия булган, ә иң сирәк исемнәр –Николай, Дастан, Теодор, Шакир, Айжана, Жюли, Маэва, Захра, Иркә һәм Карелия.

Фото: pixabay