Казанда Фучик урамының Зәкиевтән - Минскига кадәр өлешен яптылар - видео

Казанда Фучик урамының Зәкиевтән — Минскига кадәр өлешен яптылар. Вознесение трактын төзегән җирдә торбаларны, электр чыбыкларын алыштыралар.

Хәзер бу урында иртә-кич әллә ничә чакрымга сузылган транспорт бөкеләре хасил була. Казан халкы бу хакта социаль сәхифәләрдә дә фикер алыша, безгә дә язалар. Эш шунда ки, юлны шәһәрдә тормыш кайный башлаган чорда яптылар. Халык ялдан кайта, мәктәпкә әзерлек мәшәкатләре башланган чор.

Шәһәрдә - моны вакытлыча гына, диләр. Тагын күпме көтәсе булыр? Бүген хәбәрчебез Гөлназ Сәйфетдинова да шул якларда иртәнге бөкеләрне урап кайтты.