Казан судында шәхси мәктәп җитәкләгән ике кешегә ачылган җинаять эшен карадылар

Кичә Казанның Мәскәү районы судында шәхси мәктәп җитәкләгән ике кешегә ачылган җинаять эшен карый башладылар. Алар лицензиясез эшчәнлек алып баруда һәм зур күләмдә акча үзләштерүдә гаепләнә.

Исегезгә төшерәбез, Яңа Савин районында урнашкан уку йортында гауга 2022нче елда килеп чыкты. Уку елы ахырында балалар аттестация үтә алмаган. Ата-аналар полициягә мөрәҗәгать итә. Елына 300 мең сум акча түләп, ярык тагарак алдында калдык, диләр.

Хәзер мәктәпне гамәлгә куюда катнашып зыян күрүченең берсеннән сорау алдылар. Алар табышка өметләнеп, берничә тапкыр бу проектка акча керткән була. Нәтиҗәдә акчасыз да калалар, оешмадан да чыгаралар. Суд залыннан Чулпан Касыймова дәвам итә.