Казанда Горький шоссесында ремонт төгәлләнү вакыты билгеле. Бөкесез тормыш нинди ул?

Киләсе елның октябрендә Казанда Горький шоссесы тулысынча кулланылышка тапшырылачак. Ремонтлана торган участокның озынлыгы — 11 чакрым.

Бу арада бер генә светофор да булмаячак. Димәк, аны тиз узу мөмкинлеге барлыкка килә. Өстәвенә, хәрәкәт һәр якка өчәр полоса буенча оештырылачак. Шулай итеп, бу юлдан ике тапкырга күбрәк машина үтә ала. Участоктагы эш барышы һәм юлны бу тирәдәге бистә халкының ничек көтүе турында — Рүзәл Шәрипов.