Питрәч районында янгын сүндерү нәтиҗәсендә 52 яшьлек ир-ат тән җәрәхәтләре алган

Кичә Татарстанның Питрәчтә Космонавтлар урамындагы 29 нчы йортта янгын сүндергәндә 52 яшьлек ир-ат пешкән, дип хәбәр итә ТР Гадәттән тыш хәлләр министрлыгының матбугат хезмәте.

Ведомство мәгълүматлары буенча, шәхси йортның һәм сарайның янган түбәсе мәйданы 64 «квадрат» тәшкил итә. Янгынның беренчел сәбәбе - электр җиһазларын монтажлау һәм куллануда янгын куркынычсызлыгы кагыйдәләрен бозу.

Фото: МЧС РТ