Татарстанда сабыйларга нинди исемнәр кушканнар? Самрада, Мия, Айла һәм Айрин

Узган атнада, 2 октябрьдән 8 октябрьгә кадәр, Гражданлык хәле актларын теркәү идарәсенең Казан бүлекләрендә 364 бала — 188 малай һәм 176 кыз тууы теркәлгән. Шул ук вакыт аралыгында 212 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 1020 грамм авырлыкта туган, ә иң зурысы 5020 грамм тәшкил иткән.

Атнаның иң популяр исемнәр арасында Самир, Раян, Ислам, Эмиль, Әмир, София, Амина, Риана, Мәликә һәм Мирослава булган, ә иң сирәк исемнәр — Нурхан, Эльман, Ильяс, Ирман, Габриэлла, Зои, Самрада, Мия, Айла, Айрин.

Фото: pixabay