Казанда КФУ тулай торагында чыккан янгынның сәбәбе билгеле булды

Казанның Кызыл Позиция урамындагы КФУ тулай торагында чыккан янгынның беренчел сәбәбе — электр җиһазларын куллануда кагыйдәләрне бозу. Бу хакта Татарстан Гадәттән тыш хәлләр министрлыгының матбугат хезмәте хәбәр итте.

Исегезгә төшерәбез, биш катлы бинаның өченче катындагы бүлмәдә янгын кичә чыккан иде. Янгынның мәйданы 27 квадрат метр тәшкил итә. Барлыгы 597 кеше эвакуацияләнгән.

Бу вакыйга факты буенча янгын-техник экспертиза билгеләнгән. барлык сәбәпләр дә ачыкланачак.



Фото и видео: МЧС РТ