КФУ тулай торагында янгын чыгу сәбәпләре ачыкланды - видео

КФУ тулай торагында кичә кич янган бүлмәне тәртипкә китерә башладылар. Студентларның күп өлеше үз урыннарына кире кайтты.

Гадәттән тыш хәлләр министрлыгында исә, янгынның беренчел сәбәпләрен атадылар. Аның электр чыбыклары төзек булмау сәбәпле килеп чыккан булуы ихтимал. Тикшерү дәвам итә. Исегезгә төшерәбез, ут-күз КФУның дүртенче тулай торагында чыкты. Зыян күрүчеләр юк.

Яшьләр я үзләре чыга, я коткаручылар ярдәм итә. Бүген югары уку йорты җитәкчелеге студентлар белән җыелыш уздырды һәм ярдәм чараларын игълан итте. Тулырак — Инзилә Хөсәенова.